Ish-kryetari i degës së Partisë Demokratike në Shkodër, Xhevdet Amuli, ka bërë disa akuza të forta ndaj Sali Berishës. Amuli nuk mori pjesë në takimin zgjodhi të që Sali Berisha mbajti sot me demokratët e Shkodrës, pasi sipas tij ish-kryeministri po përpiqet për interesat e tij.
I shprehur hapur kundër Komisionit të Rithemelimit, Amuli tha në një intervistë televizive se nuk mund t’u bashkohet takimeve që Berishës i shërbejnë për interesa personale.
“E kam shprehur që në fillim qëndrimin tim kundër foltores. Nuk kisha arsye të marr pjesë në takimin e sotëm. Nuk kam marrë pjesë në takime të tilla. Rithemelim nuk mund të ketë me ata që kanë pasur pushtet mëse 30 vite. Ai ka hallet e tij dhe po e bën për vete. Këto zgjedhje po shkojnë me një kandidaturë. PD është në një dilemë që nuk ka qenë asnjëherë. Baltosja që i është bërë gjithë PD dhe gjithë atyre që nuk e mbështetën foltoren. Kjo nuk i shërben për mirë PD-së”, tha ish-kreu i PD-së në Shkodër.
Sipas Amulit, përballja e Berishës me non gratën po thellon krizën e demokratëve. Ndërsa shtoi se përballja e Berishës me DASH është si të kalosh Himalajat në këmbë.
Discussion about this post