Ish-shefi i Njësive Speciale të Policisë së Kosovës në regjionin e veriut, Uglesha Jarediç, është identifikuar në mesin e personave që ishin përfshirë në sulmin e Banjskës.
Në një dokument që Ministria e Punëve të Jashtme e Kosovës e ka dorëzuar tek institucionet e Kosovës, emri i Jarediçit përmendet si i përfshirë në këtë rast.
Për të dokumentuar përfshirjen e tij, Ministria ka përdorur një fotografi ku Jarediç shihet në një makinë bashkë me dy persona të tjerë.
Jarediç kishte udhëhequr njësinë speciale në Mitrovicën Veriore deri pak javësh, para se policët të ofronin dorëheqje masive.
Ai ishte pezulluar nga detyra edhe në shkurt të vitit të kaluar nën dyshimet për kryerje të veprës penale dhunë në familje.
Lideri i specialëve të veriut ishte portretizuar si person me ndikim në veriun e Kosovës, ndërsa ishte shfaqur edhe duke udhëhequr njësitë speciale të policisë.
Grupit terrorist, që u vendos në Banjskë më 24 shtator, i priu ish-nënkryetari i Listës Serbe, Millan Radoiçiç.
Radoiçiç përshkruhet si njeri që kishte ndikim tek strukturat e policisë në veriun e Kosovës.
Discussion about this post