Ish-kryetari i bashkisë së Himarës, Vasil Bollano është shoqëruar në komisariat pasi teksa qarkullonte me automjetin e tij ka përplasur një 17-vjeçar.
Ngjarja ka ndodhur rreth orës 17:00 në Llogara, ku Bollano, duke drejtuar automjetin tip “Benz” ka aksidentuar 17-vjeçarin E.H., i cili aktualisht ndodhet në spitalin rajonal të Vlorës ku po merr trajtim mjekësor.
Raportohet se adoleshenti ndodhet në gjendje të rëndë.
Aksidenti
“Rreth orës 17:00, në Llogara, pranë fushës së sportit, shtetasi V.B., 66 vjeç, banues në Himarë, duke drejtuar automjetin tip ‘Benz’, ka aksidentuar shtetasin E.H., 17 vjeç, këmbësor në rrugë, i cili ndodhet në spital nën kujdesin e mjekëve”, njoftoi policia.
“Drejtuesi i mjetit, shtetasi V.B, u shoqërua në Komisariat, për veprime të mëtejshme. Grupi hetimor ndodhet në vendngjarje dhe po kryen veprimet e mëtejshme për aksidentin”, shtuan të njëjtat burime.
Discussion about this post