Në një intervistë për mediat, ish-kryeministri Sali Berisha ka deklaruar se Lulzim Basha prej muajsh u thotë demokratëve se lideri historik i PD do të arrestohet. Ai është shprehur se prej muajit shtator, pasi e përjashtuan nga grupi parlamentar i PD-së, Basha në çdo mbledhje thotë se ish-kryeministrin e presin prangat.
“Ky, kalon nga mbledhja në mbledhje duke u thënë të tjerëve që kini durim sepse do të arrestohet Berisha. Ka që nga shtatori. Ua thotë të gjithëve në mbledhje” – tha Sali Berisha.
Më herët ish-kryeministri Sali Berisha është treguar i hapur për hetime nga Prokuroria e Posaçme Kundër Korrupsionit dhe Krimit të Organizuar (SPAK). Berisha tha se nuk njeh imunitet, pasi ka vepruar gjithmonë bazuar në ligje. Në një moment, ai qëlloi edhe tavolinën disa herë, teksa fliste.
“Unë do të vazhdoj çdo ditë më inceneratorët dhe i kërkoj atij çdo ditë që t’i kërkoj SPAK-ut të partisë që të veprojë kundër Berishës sepse unë kam vepruar ndër ligj, ndër ligj, ndër ligj, është krijuar një komision në ’97, hetoi dy vite dhe ishte i detyruar të vijë në Kuvend që të raportojë se qeveria nuk ishte e përfshirë në skemat piramidalë sepse ishte zbatuar vetëm ligji. Nuk njoh parashkrim, njoh vetëm ligjin, nuk njoh imunitet” – tha Berisha.
Discussion about this post