Ish-kryeministri i Kosovës, Avdullah Hoti iu është bashkuar reagimeve pas arritjes së marrëveshjes për krizën e shkaktuar së fundmi në pikëkalimet kufitare në Jarinjë dhe Bërnjak.
Deputeti i Kuvendit në radhët e LDK-së, përmes një postimi në rrjetin social Facebook tha se KFOR-i nuk duhet të marrë kompetenca të institucioneve të Republikës së Kosovës dhe nuk mund ta zëvendësojë Policinë e Kosovës.
“Dialogu nuk duhet të degradojë në çështje teknike, por duhet mbajtur në nivel politik me qëllimin e vetëm të arritjes së marrëveshjes përfundimtare për njohje reciproke dhe normalizim të marrëdhënieve në mes të dy shteteve”, shprehet ai ndër të tjera.
Ndër të tjera, Hoti ka thënë se situata e re e krijuar, nuk guxon ta kthejë Kosovën prapa në procese që i ka tejkaluar.
