Ish-kreu i demokratëve tha se ka bërë çmos që zgjedhjet e fundit vendore të mos bojkotoheshin nga PD-ja, pasi sipas tij, Lulzim Basha donte të bllokonte rrugët e socialistëve në mënyrë që këta të fundit të mos lejoheshin të votonin.
Por Berisha tha se ka bërë çmos që kjo të mos ndodhte, pasi mund të kishte dhe viktima.
Berisha tha se humbja në zgjedhje është përgjegjësi e Bashës.
“PD humbi zgjedhjet në të cilat Rama bleu sa dyfishi i 2017-s. Ditën e zgjedhjeve në darkë, anketuesi më serioz pyeti zgjedhësit demokratë: për kë votuat? Vetëm 1/5 votuan për kryetarin. Të tjerët votuan për PD. E kundërta ndodhte në kampin tjetër. Nuk mund të them se fituam, kështu nuk fitohet.
Basha veproi për interesa të karriges së tij duke shkelmuar lumenjtë e djersës së demokratëve dhe vuri përpara karrigen duke i thënë kemi firuar. Shpërndante grafiqe, bënte propagande mashtruese.
Mekanizmi elektoral vdiq para syve tanë. Kryetari ynë në vend që të merrej me këtë punë, u mor me karrigen. Pas kësaj, po në atë kohë, Sali Berisha u dizenjua non grata në SHBA. Me një akuzë që ia them mbarë botës se nuk ka asnjë fakt, apo dokument” – tha Sali Berisha.
Sali Berisha në turin e takimeve të tij ka sulmuar kreun e PD-së, Lulzim Basha, duke e konsideruar si një lider të thyer.
