Janë zbardhur detaje të reja nga sherri me armë që ndodhi mes shqiptarëve në ishullin grek të Mykonos mëngjesin e sotëm. Autoritetet greke kanë zbuluar identitetet dhe fotot e dy personave të përfshirë në sherr.
Media greke Protothema, shkruan se sherri mes dy të rinjve ka ndodhur për shkak të mosmarrëveshjeve familjare, pasi të dy ishin ish-kunetër. Autori, i identifikuar si një 41-vjeçar, dyshohet se ka qëlluar me 6 plumba bashkëkombësin 40 vjeç, i cili për pasojë ka marrë plagë në bark. I plagosuri ndodhet në spital, në gjendje të rëndë shëndetësore.
Mësohet se pas breshërive të plumbave, familjarë të viktimës, kanë tentuar të ndalojnë agresorin, por ai ka hapur zjarr edhe ndaj tyre, duke u larguar përkohësisht nga vendi i krimit për tu arrestuar me pas nga policia.
Autori akuzohet nga familja e të plagosurit se ka abuzuar me ish-bashkëshorten e tij, që është dhe motra e të plagosurit. Sipas raportimeve, konfliktet ishin ndezur prej kohësh pasi pretendohet se familja e ish-gruas nuk lejonin që autori të shihte fëmijët.
Discussion about this post