Manolo Portanova, lojtar i Genoas rrezikon të bëjë rreth 14 vite burg, pasi akuzohet se ka përdhunuar në grup një 22-vjeçare. Ai së bashku me tre persona të tjerë dyshohen se kanë përdhunuar një studente 22-vjeçare, të cilën i kishin ushtruar edhe dhunë fizike.
Bëhet me dije se ngjarja ka ndodhur në 21 maj të vitit 2021 në Siena të Italisë, ku 22-vjeçarja së bashku me shoqen e saj kanë shkuar në apartamentin e Portanova, ish-lojtari i Juventusit. Mediat vendase raportojnë se shoqja e 22-vjeçares më pas është larguar nga apartamenti bashkë me një nga djemtë duke e lënë vetëm atë.
Në një deklaratë të dhënë nga 22-vjeçarja, ajo shprehet se ka ndjerë praninë e njerëzve në dhomë dhe është çuar nga shtrati për të shikuar dhe është përballur me 3 persona të zhveshur në dhomën e saj.
“Në një moment ndjeva prania e njerëzve të tjerë që qeshin në dhomën e gjumit. U ngrita me arsyetimin se po merrja një shishe me ujë dhe ndeza dritën, para meje ishin tre burra të zhveshur. Unë thashë që nuk doja, por ata nuk u ndalën, isha e rraskapitur, kërkova të largohesha, të telefonoja shoqen time, më thanë që ishte në banjë dhe mund të nuk ndërhynte”.
Pas rreth gjysmë ore, ata e lënë të renë të largohet, e cila më pas ka shkuar në urgjencë, ku mjekët i kanë bërë një ekzaminim dhe rezultoi se është përdhunuar si edhe është ushtruar dhunë fizike ndaj saj.
Së fundmi, mesfushori duhet të paraqitet së bashku me dy të dyshuarit e tjerë përpara trupit gjykues në Siena në datën 7 qershor të këtij viti. Për të dyshuarin e katërt, pasi ai ishte vetëm 17 vjeç në kohën kur ka ndodhur ngjarja, do të gjykohet nga Gjykata e të Miturve në Firence.
Discussion about this post