Ish i burgosuri politik dhe ish-ushtari i UÇK-së ka rrëfyer për përballjen që kanë pasur me Arkanin gjatë kohës sa ishte mbajtur në burgjet e Serbisë.
Ai ka treguar se si ishin përballë sy më sy me Arkanin, pasi në burg e kishte sjellë drejtori serb i burgut.
Hasani thotë se ai ua kishte pyetur emrin e mbiemrin, derisa drejtori serb i burgut i kishte thënë se “këta janë terroristë”.
“Jam takuar ballë për ballë. Na ka pyet emrin mbiemrin. Drejtori i ka thanë këta janë terroristë. Arkani na shikonte”, ka thënë Hasani në FRONTAL të T7.
Ai thotë se s’kanë pasur fare frikë, meqë ishin përcaktuar shpirtërisht dhe ishin të mësuar me vdekjen çdo ditë.
“Ne ishim përcaktuar shpirtërisht. Vdekjen e kishim çdo ditë. Ne ishim të përgatitur që mund të vriteshim”, ka thënë në FRONTAL./Gazeta Express/
Discussion about this post