Esteban Cambiasso ka qenë në fushë në 2010-ën kur zikaltrit fituan tripletën dhe po ashtu ka qenë në Stamboll në mbrëmjen në të cilën Interi humbi finalen përballë Manchester City-t me rezultatin 1-0.
Në rolin e opinionistit, argjentinasi ka analizuar paraqitjen e skuadrës së Inzaghit dhe ka treguar edhe bisedën e menjëhershme me lojtarët zikaltër pas ndeshjes.
“City e meritoi finalen për atë që ka bërë gjatë gjithë sezonit dhe jo për atë që bëri në finale. Ishte një ndeshje që u luajt siç ka dëshiruar skuadra e Inzaghit dhe në fund rezultoi e ekuilibruar”, ka thënë ish-mesfushori, që zbuloi:
“Kam folur me disa nga lojtarët fill pas ndeshje, ndërkohë që ishin duke marrë medaljet dhe më kanë treguar gjithë hidhërimin e tyre për mënyrën si shkuan gjërat. Më kanë thënë që për ta do të ishte më mirë nëse do të humbnin 3-0 këtë ndeshje”.
Discussion about this post