Ish-mesfushori i Manchester United, Paul Ince ka zbuluar arsyen e vërtetë pse Michael Carrik u largua nga “Djajtë e kuq”, pasi qëndroi për një kohë të shkurtër si trajner kur Ole Gunnar Solskjaer u largua.
Carrick mori drejtimin e ekipit pasi norvegjezi u shkarkua pas humbjes 4-1 në Watford, dhe më pas arriti dy fitore dhe një barazim. Megjithatë, pasi ndihmoi skuadrën e tij të mposhtte Arsenalin në një thriller me pesë gola, u njoftua pas ndeshjes se legjenda e klubit do të largohej nga Old Trafford.
Sipas Ince, arsyeja që Carrik u largua ishte besnikëria që ai kishte ndaj Solskjaer.
‘Unë e shikoj këtë në tre mënyra. Kam menaxhuar shumë ekipe. Gjithmonë kam marrë Alex Rae me vete, i cili ishte numri im dy, një miku im i mirë dhe një trajner i mirë. Sa herë që largohesha nga një klub i thosha Alanit: “Dëgjo ti rri, merr përsipër punën dhe shiko nëse të pëlqen”. Por ai gjithmonë ka thënë “jo, nëse ti shkon unë do të shkoj” vetëm nga besnikëria e pastër. Unë jam gjithmonë mirënjohës për këtë”, ka treguar Ince.
Mesfushori tha ndër të tjera se Carrick mund të ketë menduar se ishte Solskjaer ai që e bëri asistent dhe se la të hapura mundësitë për të punuar sërish me të në të ardhmen.
Discussion about this post