Një grup ish-minatorësh kanë protestuar simbolikisht para Kuvendit, duke kërkuar miratimin e statusit të minatorit.
Ndërsa e konsiderojnë si një premtim elektoral të pambajtur nga Qeveria Rama, ish-minatorët kërkojnë nga Kuvendi që të miratojë statusin e tyre.
Gjithashtu, ata i kanë bërë thirrje edhe kryeministrit Rama, pasi sipas tyre ai i ka premtuar për statusin që kur mori mandatin e parë.
“Tani ka marrë mandatin e tretë dhe ende nuk e ka paraqitur në Kuvend propozimin për statusin e tyre”, shprehen ata.
Ish-minatorët kanë pakënaqësi edhe për efektivë të policisë që gjenden aty në protestë, pasi sipas tyre po i shërbejnë deputetëve.
“O do ta marrim statusin o nuk ka”, ishte thirrja e ish-minatorëve.
Discussion about this post