Ish-ministri Genc Pollo, mbështetës i frontit të Sali Berishës, ka reaguar për denoncimin e Komisionit të Rithemelimit se kryedemokrati Lulzim Basha po ndërron bravat dhe po blindon dyert e selisë blu.
Në një postim në rrjetet sociale, Pollo kërcënon Bashën, teksa shprehet se ai “do të përgjigjet për blindimin e portave dhe dyerve të selisë së PD-së”.
Ndër të tjera ish-ministri, Pollo shkruan se selia duhet t’i kthehet organeve legjitime të PD-së siç ka vendosur Kuvendi dhe anëtarësia, jo më vonë se data 8 janar.
“Montimi këto ditë i portave dhe i dritareve të blinduara në katin përdhes të selisë së Partisë Demokratike është sa e dënueshme aq edhe qesharake. Basha dhe ish-zyrtarët do të përgjigjen për këtë. Por në çdo rast selia duhet t’i kthehet organeve legjitime të PD siç kanë vendosur kuvendi dhe anëtarësia. Jo më vonë se 8 janar! Të shtunën, 8 janar, ora 12:00 shihemi aty!!” shkruan ai.
Discussion about this post