Ish-presidenti amerikan Bill Clinton ndodhet i shtruar në spital, në Kaliforni. Ai është nën kujdes intensiv pas një infeksioni të rëndë.
“Pas dy ditësh trajtimi, numri i qelizave të bardha të gjakut po zvogëlohet dhe ai po u përgjigjet mirë antibiotikëve”, thanë mjekët, ndërsa shtuan se Clinton do të mbetet në spital për “monitorim të vazhdueshëm”.
Një zëdhënës i ish-presidentit tregoi mbrëmjen e djeshme se gjendja e tij shëndetësore është e qëndrueshme, ndërsa bashkëshortja e tij, Hillary dukej e shqetësuar dhe ishte e rrethuar nga oficerë të sigurisë teksa futej në dhomën ku është shtruar i shoqi.
