Ish-presidenti i Sampdorias lihet në arrest shtëpie

Ish-presidenti i Sampdorias, Massimo Ferrero është lënë me arrest shtëpie për festat e Krishtlindjeve pas 17 ditësh burg për mashtrim financiar.

Ai u mor në paraburgim më 6 dhjetor, i akuzuar për falimentim mashtrim dhe akuza të tjera për keqmenaxhimin financiar.

Më pas ai dha dorëheqjen si President i klubit, ndërkohë që po kërkohen blerës të rinj. Sipas raportimeve të fundit, apeli ka lejuar Ferrero që të jetë në arrest shtëpie për festa për shkak edhe të moshës 70-vjeçare.

Ai u lirua nga burgu San Vittore në Milano dhe do të kthehet në shtëpinë e tij në Romë. Ferrero është akuzuar për falimentim në lidhje me katër kompani të ndryshme dhe është vendosur në paraburgim sepse autoritetet ishin të shqetësuara se ai mund të manipulonte provat.

Ndërkohë që nesër është thirrur mbledhja e Bordit Drejtues, pasi vijojnë kërkimet për një President të ri dhe ndoshta një pronar të ri klubi./K.T/Gijotina.com