Ish-presidenti Rexhep Mejdani është nderuar nga Akademia e Shkencave me titullin ‘Akademik Emeritus’.
Titulli në fjalë mban firmën e datën 20 dhjetor të vitit të kaluar, ndërsa është firmosur nga kreu i Akademisë së Shkencave, Skënder Gjinushi.
Me marrjen e këtij titulli të nderuar nga Mejdani, ky i fundit rreshtohet mes anëtarëve të kësaj Akademie që kanë titullin e lartë. Ish-presidenti Rexhep Mejdani, përveç politikës, ka dhënë kontributin e tij të çmuar në fushën e fizikës, ndërsa është nderuar me shumë tituj.
