Agjencia e Mbikëqyrjes Policore (AMP) ka zhvilluar një operacion duke ndaluar dy punonjës policie, një doganier dhe dy shtetas të tjerë, të dyshuar për veprime të paligjshme, përfshirë shpërdorim detyre, kontrabandë dhe falsifikim dokumentesh në komisariatin e Gjirokastrës.
Alfred Kondi, shefi i sektorit të krimit të organizuar në Gjirokastër dhe Feim Onjea, shoferi i ish-drejtorit të Policisë Ardian Çipa ishin të përfshirë në trafik klandestinësh dhe mallrave kontrabandë prej të paktën dy vitesh.
Megjithatë inspektori Feim Onjea me detyrë Trupë Shërbimi Operacional në forcën e posaçme Shqiponja, i cili është i dyshuar për veprat penale “Shpërdorim i detyrës” dhe “Shpërdorim i autoritetit policor” mbetet i shpallur në kërkim nga autoritetet. Kujtojmë se ky ka qenë njeriu më i besuar i Ardian Çipës, ish-drejtorit të policisë Gjirokastër, që u shkarkua më pas. Onjea ishte shofer dhe truproje e Çipës.
Ky i fundit është arratisur në momentin që ka parë agjentët e AMP që do ta arrestonin.
Këto janë pamjet që tregojnë momentin e arratisjes së Onjeas, i cili shfaqet teksa largohet me vrap nga godina.
Pasi kalon rrugën kryesore, Onjea shfaqet duke kaluar një gardh dhe më pas zhduket nga fushëpamja e kamerave të sigurisë.
gijotina.com/
Discussion about this post