Drejtori i Universitetit prestigjioz të Parisit “Sciences Po Paris”, Matias Visera dhe partnerja e tij u arrestuan mbrëmjen e së dielës, duke akuzuar njëri-tjetrin për dhunë në familje.
45-vjeçari Viscera, ish-shok klase i presidentit francez, Emmanuel Macron, po merret në pyetje nga policia, siç raportojnë mediat franceze.
Viscera pasoi Frédéric Meon si drejtor universiteti në nëntor 2021.
Ai dhe partnerja e tij u arrestuan në qarkun e shtatë të kryeqytetit francez. Siç shkruan gazeta “Le Figaro”, Prokuroria e Parisit bëri të ditur se hetimet po vazhdojnë për zbardhjen e plotë të çështjes.
Mediat krahasojnë karrierën profesionale të 45-vjeçarit Viscera me atë të Emmanuel Macron. Megjithatë, konstatohet se dy shokët e klasës kanë ndjekur rrugë krejtësisht të ndryshme.
Macron filloi në industrinë financiare dhe më pas u bë aktiv në politikë, ndërsa Viscera u bë zëvendësmenaxheri i përgjithshëm i grupit francez të hekurudhave (SNCF) në 2016 përpara se të merrte postin e sekretarit të përgjithshëm të Danone tre vjet më vonë.
Sapo ka marrë “timonin” e “Sciences Po”, ka prioritet promovimin e mundësive të barabarta për dy gjinitë si dhe mbrojtjen e mjedisit.
Ironia tragjike e gjithë rastit qëndron në faktin se Viscera, i akuzuar për dhunë në familje, kishte shpallur më parë synimin e tij për të luftuar dhunën seksiste si dhe abuzimin seksual.
Discussion about this post