Sot është ekstraduar në Shqipëri nga Gjermania, Hekuran Marku, një nga ish-shoqëruesit e ish-ministrit Tahiri.
Agustin Deda dhe Hekuran Marku akuzohen se janë përfshirë në trafikun e drogës të zbuluar nga operacioni “Shpirti”.
38 anëtarë të katër grupeve kriminale që trafikonin lëndë narkotike u arrestuan në kuadër të operacionit “Shpirti” nga Prokuroria e Posaçme kundër Krimit të Organizuar dhe Korrupsionit (SPAK), falë një hetimi të zhvilluar në bashkëpunim me Italinë dhe të koordinuar me Eurojust-in, agjencia e Bashkimit Europian për bashkëpunimin gjyqësor në luftën kundër kriminalitetit.
Apeli i GJKKO-së dënoi pak ditë më parë me burg ish-ministrin e brendshëm Saimir Tahirin. Një vendim sa suprizues, aq edhe i pritshëm në radhët e politikës. Tahiri i dënuar me 3.4 vite burg me akuzën për shpërdorim të detyrës. Pas dhënies së vendimit nga Gjykata e Posaçme e Apelit për Korrupsionin dhe Krimin e Organizuar (GJAKK), organi i akuzës firmosi urdhër – arrestin. Ish-ministri i Brendshëm Saimir Tahiri doli me pranga në duar nga salla e kësaj gjykate dhe u dërgua në mjediset e paraburgimit të burgut 313, burg i sigurisë së zakonshme, që ndodhet në Tiranë.
Discussion about this post