Gytis Paulauskas është prezantuar si futbollisti më i ri i Kolos Kovalivka në elitën ukrainase. Ish-sulmuesi i Egnatias në Superiore, firmosi me klubin e ri një kontratë të vlefshme për dy vite e gjysmë ndërsa në arkat e rrogozhinasve u depozituan 300.000 euro.
Aktualisht, Kolos Kovalivka renditet në vendin e nëntë të kampionatit me 21 pikë ndërsa me ndihmën e lituanezit shpreson të mbërrijë në top katërshen e parë edhe pse duket një mision i vështirë pasi diferenca me Shakhtar Donetsk është për momentin 10 pikë.
24-vjeçari u aktivizua për 18 ndeshje në Superiore për Egnatian me sulmuesin që në fazën e parë të sezonit në Shqipëri ia doli të shënonte katër gola dhe një asist.
Discussion about this post