Shoqata e ish të Përndjekurve Politikë në Shkodër kanë reaguar për nismën e deputetit demokrat Enkelejd Alibeaj për ndryshimin e ligjit 8547 datë 11.02.199 “Për Informacionin e Klasifikuar Sekret Shtetëror”. Me anë të një deklarate, për mediat, ata e kanë cilësuar si të mangët këtë nismë. Sipas tyre nuk duhet të bëhen më ndërhyrje dhe ekzagjerime, në mënyr që ata të shkëputen njëherë e mire nga periudha e errët e komunizmit.
Ndër të tjera, ata bëjnë me dije se vlerësojnë ligjin 10034 ‘Për pastërtinë e figurës së funksionarëve të lartë të administratës publike dhe të të zgjedhurve’ ose siç quhet ndryshe ‘Ligji i Lustracionit’, të miratuar nga qeveria e ish-kryeministrit Sali Berisha por të kundërshtuar nga PS dhe PSD në vitin 2010 dhe të rrëzuar nga Gjykata Kushtetuese po në këtë vit.
Në këtë nismë kërkohej që nëpërmjet kontrollit ligjor të bëhej pastrimi i figurave të zyrtarëve të lartë shtetërorë, në mënyrë që asnjë nga bashkëpunëtorët e ish-Sigurimit të Shtetit të mos kishte mundësi të mbante poste të larta publike.
Discussion about this post