Zyra e kryetarit të grupit parlamentar të Parisë Socialiste, Taulant Balla, ka bërë me dije se ditën e enjte ish-zv.presidenti amerikan Mike Pence do të vizitojë Tiranën. Nuk dihet ende motivi i vizitës, por mësohet se Pence do të takohet me krerët më të lartë të politikës shqiptare.
Nuk dihen detaje të tjera lidhur me mbërritjen e tij në Shqipëri, mbetet për t’u parë nëse Pence do të zhvillojë takim me kryedemokratin Sali Berisha. Ky i fundit është shpallur “non grata” nga Departamenti Amerikan i Shtetit.
Shpesh herë në retorikën e tij politike, Berisha është shprehur se vendimi është marrë nga administrata pasardhëse, e presidentit Joe Biden. Sipas Berishës, në kohën e Donald Trump, vendimi ndaj tij nuk do të merrej kurrë.
Discussion about this post