Anëtari i Komisionit të Rithemelimit të PD-së dhe deputeti i Partisë Demokratike, Edi Paloka tha se ka qenë kundër protestës së dhunshme që u zhvillua më 8 janar në selinë blu. Paloka tha se ai vetë nuk donte të shkonte, por ka pranuar pasi ka dëgjuar shumë kolegë të tij që deklaronin se i kishin marrë masat e nevojshme. Mes tyre, ai përmendi edhe kryetarin në ikje të Partisë Demokratike Lulzim Basha.
“Unë kam qenë i sigurt që hyja edhe më 8 janar në PD. Nuk besoj se do të më ndalojë ndonjëherë njeri të hyj, por nuk është kjo zgjidhje për mua. Unë kam qenë kundër 8 janarit, dhe nuk do të shkoja, sikur të mos dëgjoja në fakt që shumë prej kolegëve të mi aty të thonin le të vijnë. Duke filluar që nga Basha që thoshte i kemi marrë të gjitha masat. Që do të thotë që provokonin, në mënyrë intenacionale,”- tha ndër të tjera Paloka.
Discussion about this post