Gazetarja e CNN-it, Clarissa Ward, e cila u kërcënua nga talebanët për të veshur hijabin, u largua nga Afganistani pas disa ditësh raportimi në rrugët e Kabulit.
Ward njoftoi në Twitter se kishte zbritur në Doha me ekipin e saj dhe rreth 300 refugjatë nga Afganistani.
“Shumë falënderime për të gjithë kujdesin dhe mbështetjen e tyre Forcës Ajrore Amerikane, e cila na transportoi, dhe Katarin, që na priti. Ne jemi shumë të lumtur”, shkroi Ëard në Tëitter.
Gazetarja gjithashtu shprehet se edhe pse njerëzit e cilësonin si të “sy patrembur”, ajo tregon se në të vërtetë ndihej shumë e frikësuar.
“Njerëzit thanë, “Kjo grua është sy e patrembur”, por unë me të vërtetë ju them se jo. Unë isha shumë e frikësuar dhe nuk më pëlqen të jem aty ku plumbat fluturojnë… Unë dridhem sa herë që dëgjoj një të shtënë. Unë i urrej të shtënat si të gjithë të tjerët”, tha Ward në një intervistë për The Hill
Shumë gazetarë u larguan nga vendi në fillim të kësaj jave, ndërsa evakuimi i mijëra të huajve dhe afganëve që bashkëpunuan me faktorin ndërkombëtar vazhdon në aeroportin në Kabul.
