Deklarata e kryebashkiakut të Tiranës Erion Veliaj se ishte te “kolegët” gjatë dëshminë së SPAK lidhur me inceneratorin e Tiranës, u rikthye në vëmendje këtë të mërkurë në Kryesinë e Kuvendit. Për çështjen, u pyet në komisionin e ligjeve – ku ishte thirrur për të raportuar lidhur me veprimtarinë e SPAK për vitin 2023 – kreu i institucionit Altin Dumani.
“Sa i kalon çështjes ‘kolegë’ ne kemi vetëm njeri-tjetrin”, tha Dumani, (duke iu referuar Prokurorëve të Prokurorisë së Posaçme) dhe ata të Byrosë Kombëtare të Hetimit”.
Nga deputeti demokrat Dashnor Sula u pyet edhe lidhur me dokumentin e publikuar në media një ditë më parë se ka nisur një hetim pasuror për Erion Veliajn dhe familjarë të tij.
Për këtë pikë, Dumani nuk komentoi për arsye të “sekretit hetimor”, megjithatë nuk e mohoi nisjen e hetimit.
“Unë e kam deklaruar edhe vitin e kaluar, kësaj pyetje si jap përgjigje as për ju deputetë, as për mediat se kjo është çështje hetimit”, tha ai.
Të njëjtën përgjigje dha edhe për çështjen e mikrokredive, për të cilën tha se “është nën hetim”. Njësoj iu përgjigj edhe pyetjes nëse ka politikanë që kanë përdorur aplikacionin “SKY ECC”.
Po duke iu përgjigjur interesit të deputetit demokrat, ai tha se kompanitë koncesionare të incenratorëve janë vënë nën sekuestro dhe çdo shumë monetare që akordohet për to shkon në “llogaritë e Agjencisë së Administrimit të Pasurive të Sekuestruara”.
Discussion about this post