Mbrëmjen e djeshme shkrimtarja e njohur Helena Kadare ishte e ftuar mbrëmjen e djeshme në një takim kushtuar letërsisë dhe turizmit në Durrës. Gjatë fjalës së saj, ajo bëri me dije se ajo dhe bashkëshorti i saj, shkrimtari i njohur Ismail Kadare janë rikthyer përgjithmonë në Shqipëri, duke lënë pas Parisin.
Autorja tregoi se tashmë e ndan jetën mes Tiranës dhe Durrësit. Qytetin bregdetar e ka zgjedhur si vendstrehim pikërisht në këto ditë vape përvëluese.
‘Vitet e fundit më duket se po kalojnë me shumë shpejtësi. 1 vit po të ketë kalur më duket si një muaj. Me Ismailin kemi jetuar në Qerret, pa kontakte pa asnjë takim gjatë pandemisë. Ishim në Francë, para tre javësh, mblodha librat. U kthyem përfundimisht këtu. Me shumë guxim.’– është shprehur Helena Kadare.
