Ishin bllokuar në zonën e Thethit, shpëtohen tre turistët çekë

Ditën e sotme u raportua se tre turistë çekë  mbetën të bllokuar në zonën e Thethit për shkak të terrenit të thepisur.

Helikopteri u dërgua me urgjencë që paradite, ndërkaq për shkak të mjegullës nuk mundi të hynte në zonë.

Fatmirësisht, bëhet e ditur se pak më para është bërë i mundur shpëtimi i të tre turistëve.

Kujtojmë se një incident i ngjashëm pranë qafës së Valbonës është raportuar vetëm pak javë më parë, ku 4 alpinistë u bllokuan ndërsa njëri prej tyre pati dëmtim në këmbë.