Ishin duke punuar në rrugën e Syrit të Kaltër, plagosen rëndë 2 punëtorë

Dy punëtor që po punonin në rrugën e Syrit të Kaltër, janë plagosur rëndë dhe janë transportuar me urgjencë për në spital.

Sipas informacioneve, era e tërbuar e paradites së sotme ka lëvizur sanduiçët nga vendi, ku për rrjedhojë ka rënë mbi punëtorët duke i plagosur ata. Të plagosurit janë transportuar me urgjencë për në spital.

Sipas bluzave të bardha gjendja shëndetësore e dy punëtorëve nga Durrësi të moshave 32 dhe 53 vjeç është jashtë rrezikut për jetën.

Ndërkohë, policia ka shkuar në vendngjarje dhe po punon për të zbardhur shkakun e aksidentit.