Dy vëllezër janë vënë në prangat e policisë në Fier.
Burime zyrtare nga policia bënë me dije se bëhet fjalë për personat e identifikuar me emrat Emiljano Malaj (Griseld Mandreja) dhe Arteus Muhaj. Ndërkohë, është vënë në hetim Mikel Malaj dhe u shpall në kërkim shtetasi Marenglen Muhaj.
Nga hetimet e kryera dhe provat e grumbulluara ka rezultuar se vëllezërit nga Fier, në bashkëpunim me njëri-tjetrin, në datën 10.07.2022, kanë vjedhur veshje në dyqanin në pronësi të personit të identifikuar me iniciale M. Gj.; në datën 10.07.2022 kanë vjedhur bizhuteri në dyqanin në pronësi të personit me iniciale Y. S.; në datën 12.07.2022 kanë tentuar të vjedhin në dyqanin e celularëve në pronësi të shtetasit E. I.
Në cilësinë e provës materiale, shërbimet e Policisë sekuestruan disa nga sendet e vjedhura.
Vijon puna për kapjen dhe vënien para përgjegjësisë ligjore të personit me iniciale M. M. dhe dokumentimin ligjor të vjedhjeve të tjera që janë kryer nga këta shtetas.
Materialet do t’i kalojnë Prokurorisë pranë Gjykatës së Shkallës së Parë Fier, për veprime të mëtejshme.
Discussion about this post