Dy grabitës serialë kanë rënë në prangat e policisë në Lezhë. Burime nga policia për gijotina.com bëjnë me dije se forca speciale “Shqiponja”, kanë arrestuar paraditen e sotme grabitësit e identifikuar me iniciale J.B., 22 vjeç dhe L.Xh.,17 vjeç, banues në Tiranë, në dalje të qytetit, në afërsi të një vile, duke udhëtuar me një automjet.
Gjatë kontrollit të automjetit me drejtues J.B. dhe pasagjerë L.Xh., e L.Gj., Policia gjeti një armë zjarri automatik, 90 fishekë dhe sende të dyshuara të vjedhura nëpër banesa të ndryshme, të cilat u sekuestruan në cilësinë e provës materiale së bashku me automjetin.
Të njëjtat burime bëjnë me dije se është vënë në hetim për “Moskallëzim krimi ” i mituri i identifikuar me iniciale L.Gj.,16 vjeç, banues në Tiranë.
Të arrestuarit pritet të përballen me akuzën për veprat penale “Mbajtja pa leje e armëve shpërthyese dhe municionit ” , “Prodhimi, mbajtja, blerja apo shitja pa leje e armëve të ftohta “, kryer në bashkëpunim dhe “Moskallëzimi i krimit”.
Discussion about this post