Një grup hajdutësh kanë rënë në prangat e policisë në Korçë. Burime nga policia për gijotina.com bëjnë me dije se janë zbardhur dhe dokumentuar katër vjedhje në banesa dhe biznese.
Janë arrestuar personat e identifikuar me iniciale O. K., 43 vjeç; M. Q., 42 vjeç dhe Xh. P., 37 vjeç, banues në Korçë.
Grupi i hajdutëve piketonte kryesisht bizneset dhe vilat luksoze.
Më datë 03.01.2022, në lagjen nr. 10, Korçë, ata kanë vjedhur në banesën e qytetarit të identifikuar me iniciale I. R., një televizor plazma, dy tableta dhe disa bizhuteri floriri.
Tre hajdutët kanë vjedhur edhe në lagjen nr. 18, Korçë. Konkretisht më datë 30.08.2021, në banesën e N. X., kanë vjedhur një televizor plazma dhe disa orendi bakri, më datë 08.10.2021, në dyqanin e E. K., një sasi lekësh dhe në lokalin e Sh. I., një televizor plazma.
Në cilësinë e provës materiale u gjetën dhe sekuestruan një televizor plazma, dy celularë dhe një sasi lekësh.
Materialet i kaluan Prokurorisë së Rrethit Gjyqësor Korçë, për veprën penale “Vjedhja”, kryer në bashkëpunim.
Discussion about this post