Dy vëllezër nga Berati kanë rënë sot në prangat e policës, pasi ishin autor të shumë vjedhjeve në qytet. Vëllezërit me iniciale A.H., 49 vjeç dhe F.H., 45 vjeç të dy banues në lagjen “Jani Vruho”, u kapën në flagrancë duke tentuar të vjedhin një banesë. Pas hetimeve dhe verifikimeve të kryera u konstatua se ata janë autor të 38 vjedhjeve të tjera në qytet. Prej kohësh, ata vidhnin çdo natë nga një shtëpi dhe asnjëherë nuk u zbulua se kush ishin, banorët tregonin se ata ishin kthyer në makth për qytetin, ndërsa vetëm ditën e sotme policia bëri të mundur arrestimin e tyre.
Burimet sqarojnë se, nga veprimet hetimore të kryera dyshohet që këta shtetas të jenë autorë të 38 vjedhjeve të tjera të ndodhura në harkun kohor 2018-2021, në lagje të ndryshme të qytetit të Beratit. Gjithsesi, prokuroria po vazhdon më tej me hetimet, për të zbuluar më shumë rreth dy vëllezërve ndërsa ata janë shoqëruar në komisariat, ku po merren në pyetje.
Discussion about this post