Ishin në kërkim ndërkombëtar, momenti kur arrestohen 2 trafikantët finlandezë në Shëngjin

Dy shtetas finlandezë  që ishin shpallur në kërkim ndërkombëtar për trafik drogërash të forta janë arrestuar në vendin tonë. Bëhet me dije se në kuadër të operacionit “Manhunt”, pas disa kohësh gjurmime policia ka mundur të vërë në pranga dy të huaj që  janë pjesë e një grupi të madh kriminal.

Falë bashkëpunimit dhe shkëmbimit të informacionit në kohë, ndërmjet FAST Albania dhe FAST Finland, për vendndodhjen e dy shtetasve finlandez në kërkim ndërkombëtar, është organizuar dhe finalizuar operacioni policor ndërkombëtar i koduar “Manhunt”. Si rezultat i këtij operacioni, në Shëngjin, Lezhë, u bë e mundur kapja e shtetasve:  K. U., 30 vjeçe, dhe L. H., 32 vjeç, të dy banues në Finlandë.

Ndërkohë, bëhet me dije se  Interpol Tirana në bashkëpunim me autoritetet ligjzbatuese finlandeze, vijon punën për ekstradimin e këtyre shtetasve drejt Finlandës.