Detaje të reja janë zbardhur nga ngjarja ku humbi jetën një adoleshente. Sipas burimeve familja e Irakli Ndriços nuk kishte energji elektike për shkak të motit të keq që ka përfshirë vendin. Për këtë arsye ata kishin ndezur një qiri, i cili mendohet se ka shkaktuar edhe flakët në banesë. Pasi qiriri ka rënë në divan, mendohet se objekti ka marrë flakë, ndërsa e mitura , e cila dyshohet se vuante nga autizmi, shkoi menjëherë në tualet në mënyrë që të mbrohej nga flakët e zjarrit, ku dhe është asfiksuar.
Përveç të miturës, edhe kryefamiljari Irakli Ndrico ka mbetur gjithashtu i lënduar nga flakët. Babë e bijë u nxorrën nga shtëpia e përfshirë nga flakët dhe u dërguan në spital, të dy me shenja jete, por e mitura nuk u mbijetoi dot plagëve, ndërsa i ati është jashtë rrezikut për jetën.
Paraprakisht mendohet se zjarri në banesë është qiriri por ende versioni nuk është konfirmuar nga grupi hetimor, i cili po punon për të përcaktuar shkaqet e rënies së zjarrit dhe zbardhjen e rrethanave të ngjarjes.
Discussion about this post