Tre persona janë arrestuar sot në Berat për zjarrëvënie të qëllimshme. Kujtojmë se ditën e djeshme një zjarr i papritur është shfaqur në fshatin Veterrik në Berat. Policia ka konstatuar se kanë qenë 3 banorë të fshatit ata që i kanë vënë flakën mbeturinave në tokat e tyre por më pas zjarri u ka dalë nga kontrolli dhe është përhapur në një sipërfaqe të konsiderueshme toke me të mbjella.
Në vendngjarje kanë shkuar efektivë të shumtë zjarrfikës, që kanë mundur të lokalizojnë në kohë flakët dhe të kryejnë shuarjen e zjarrit, ndërkohë që policia ka kapur në vendngjarje 3 zjarrëvënësit, të cilët janë shoqëruar në Komisariatin e Policisë Berat, ku edhe do të japin deklaratat e tyre në lidhje me zjarrin. Si pasojë e zjarrit, raportohet se janë djegur disa dynym toke me të mbjella në këtë fshat.
Discussion about this post