Ekspertja e ISHP Rovena Daja ka deklaruar në një intervistë televizive sot se Omicron ka sjellë numër të lartë infektimesh në vendin tonë, sidomos javën e fundit. Ajo shprehet se, problem mbetet edhe rritja e numrit të të infektuarve tek fëmijët. Ajo jep alarmin se shumë klasa po mbyllen për shkak të infektimeve të larta.
“Numri i rasteve është rritur për vetë faktin pasi po qarkullon Covid dhe grip. Kur na vijnë tamponët një pjesë e fëmijëve del me grip. Numri i rasteve do rritej sepse janë rritur rastet në të gjithë vendin. Përveç faktit që fëmijët nuk i mbajnë maskat. Në klasat që është vënë re një rritje e numrit të rasteve është mbyllur për të vazhduar me mësimin online”, deklaroi ekspertja e ISHP.
Tirana është qarku më problematik përsa i përket rritje së numrit të të infektuarve, por qarkullimi i dendur i Omicron ka bërë që pothuajse në të gjithë vendi të kemi të infektuar me Covid-19.
Discussion about this post