Lionel Messi duket se nuk ka shkuar me këmbën e mbarë në Miami, sepse ditën e djeshme për pak sa nuk është përfshirë në një aksident, që mund të kishte pasoja të mëdha. Argjentinasi, i shoqëruar me një makinë policie, për pak sa nuk është përplasur me një tjetër automjet.
Siç duket në video, kampioni i botës hyn me semafor të kuq në kryqëzim dhe merr majtas, por një tjetër makinë vjen me shpejtësi dhe për pak evitohet aksidenti. Pavarësisht kësaj, Messi nuk cilësohet si fajtori në këtë episod.
Ai shoqërohej nga një makinë policie me sirena të ndezura dhe kjo e lejon “Pleshtin” të hyjë edhe me semafor të kuq. Shoferi që vinte nga e djathta, duhej të futej më ngadalë në kryqëzim dhe të hapte rrugën, por nuk e bëri këtë.
Për fatin e mirë aksidenti u evitua, pasi Messi dhe shoferi tjetër arritën të ngadalësojnë shpejtësinë në kohë. Ndërkohë, edhe Ronaldo u përfshi në një shkelje rrugore në Arabi para pak muajsh, kur portugezi u ngjit mbi trotuar me makinën e tij, për të shmangur trafikun.
Messi taking a red light like a true Florida man pic.twitter.com/g8Xc4MAh7P
— Inter Miami CF Burner (@miamifutbolmls) July 14, 2023
Discussion about this post