Një makinë është përfshirë mesditën e sotme nga flakët në ecje në Lushnje. Mësohet se ngjarja ka ndodhur në vendin e quajtur “Rotondo e Savres” në hyrje të Lushnjës.
Gjithashtu, lidhur me ngjarjen mësohet se drejtuesi i mjetit tip “Ford Focus” është Vladimir Tafa, banues në fshatin Allkaj të Lushnjës. Tafa ka qenë duke udhëtuar me vëllain e tij kur mjeti është përfshirë nga flakët.
Nga ana tjetër, lidhur me ngjarjen dyshohet se ka qenë një shkëndije elektrike ajo që ka shkaktuar zjarrin.
Policia dhe zjarrfikësja ka shkuar menjëherë në vendngjarje për të zbardhur më shumë informacione.
Discussion about this post