Ditën e djeshme një ngjarje e rënë ka ndodhur në Trento të Italisë. Një 39-vjeçar shqiptar, ka ndërruar jetë tragjikisht teksa po punonte në një ndërtesë që po rinovohej.
Mediat italiane bëjnë me dije se viktima është Sandër Cerri. Sipas hetimeve paraprake të ngjarjes së rëndë mendohet se një pjesë muri ka rënë mbi punëtorin shqiptar para shkollave Manzoni ku kishin nisur rinovimet nga një kompani ndërtimi në Mezzolombardo.
Sipas mediave italiane, bëhet me dije se 39-vjeçari është dërguar menjëherë në spital, por ndërroi jetë brenda disa orësh pasi kishte marrë dëmtime shumë të rënda në kokë. Cerri ishte me origjinë nga Durrësi dhe ishte martuar prej 13 vitesh.
“I palodhur”, kanë shkruar të njohurit e tij në rrjetet sociale.
Së bashku me familjen jetonte në Mezzolombardo. Fillimisht shqiptari kishte jetuar në fshat dhe kishte punuar në bizneset e vogla agroushqimore. Më vonë, si pasojë edhe e mundësive më të mira ekonomike, ai kishte gjetur punë në ndërtim.
E gjatë dhe komplekse ka qenë puna e shpëtimtarëve dhe zjarrfikësve për ta nxjerrë nga rrënojat. Fatkeqësisht Cerri vdiq disa orë pasi u shtrua në Santa Chiara.
Discussion about this post