“Makina eci gati 300 metra pasi u qëllua duke u përfshirë në aksident me dy makina të tjera” tha njëri prej dëshmitarëve të ekzekutimit të Rakip Rolit në Laç.
Një tjetër ka dëshmuar se e nxori biznesmenin nga makina e tij tip “Audi” i cili ishte i gjakosur, për ta dërguar në spital, por fatkeqësisht kishte ndërruar jetë.
Biznesmeni 55-vjeçar ka dalë nga banesa në fshatin Sanxhak të Laçit, me makinë tip “Audi Q7”, ku dy persona dyshohet të kenë marrë pjesë në atentatin ndaj tij.
Në drejtim të automjetit luksoz të tipit “Audi Q7” me targë 001 PB, me të cilin lëvizte i vetëm viktima, u qëllua me breshëri automatiku dhe të paktën 7 plumba e goditën në trup 55-vjeçarin, duke gjetur vdekjen e menjëhershme.
E shkuara e Rakip Rolit
Policia po heton për të shkuarën e 55- vjeçarit i cili rezulton me precedentë penale. Dhjetë vite më parë përkatësisht në vitin 2011 Roli është arrestuar, pasi është përfshirë në një konflikt me një 22- vjeçar duke e plagosur. Sakaq edhe dy djemtë e tij Emiljano dhe Isuf Roli janë hetuar për trafik droge në 2017. Biznesmeni që u ekzekutua mëngjesin e sotëm në Laç njihej edhe si “Piloti”. Burime pranë gijotina.com bëjnë me dije se viktima merrej me tregëti, materialesh ndërtimi.
Lidhja me emrat e krimit
Autori i dyshuar i vrasjes së biznesmenit Rakip Roli në Laç, është xhaxhai i Ilir Likaj Xhepaj i arrestuar për vrasjen e biznesmenëve Paulin Gjergji dhe Bujur Lika. Gjithashtu është dhe vëllai i Myslim Likës i plagosur në Mamurras.
Ilir Xhepaj dyshohet se organizoi atentatin duke përdorur si vrasës me pagesë Eduart Lamajn. Ai dyshohet se se ka qenë pjesë e skuadrës, prej 4 personash të veshur si policë, që ekzekutuan me 20 plumba, Bujar Hasanin (Lika) dhe Paulin Gjergjin (Markaj). Nuk dihet ende nëse Ilir Xhepaj dhe viktima Bujar Hasani, kanë pasur një lidhje miqësie me njëri-tjetrin, kjo pasi të dy personat, para se të ndryshonin mbiemrin, mbanin të njëjtin (Lika).
Pista e hetimit
Pista kryesore e hetimit për vrasjen biznesmenit Rakip Roli aka Pilot Roli mëngjesin e sotëm në Laç, janë konfliktet e djemve pak ditë para se të ndodhte vrasja. Konflikti dyshohet se lidhet me çështjet e pronësisë. Po ashtu dyshohet se lidhja e viktimës me emrat e njohur të krimit si Ilir Xhepaj “tmerri” i Mamurrasit dhe i akuzuar për vrasje, mund të jetë shkak i atentatit të sotëm.
Discussion about this post