Edon Zhegrova u zyrtarizua mbrëmjen e djeshme si lojtari më i ri i Juventusit. Sulmuesi i përfaqësueses së Kosovës ka bërë një hap të madh në karrierë duke u transferuar tek rekordmenët e Italisë.
26-vjeçari u prit me entuziazëm të madh në Torino teksa firmoste me Juventusin. Gjithashtu, Edon Zhegrova pati mundësinë e madhe të takonte edhe Alessandro Del Pieron i cili ishte i pranishëm në ambientet e bardhezinjve.
”Çfarë legjende, ishte kënaqësi e madhe të të takoja”, shkruan sulmuesi shqiptar pasi ka publikuar një fotografi në rrjetet sociale me ikonën e Juventusit. Ndërsa në fanellë, Zhegrova do të mbajë numrin 11-të në Torino, një numër që më parë e ka mbajtur Pavel Nedved.
Discussion about this post