Arrestohet një grabitës në Vlorë. Policia bën me dije se mëngjesin e kësaj të diele janë zbardhur 6 vjedhje të ndodhura në qytetin bregdetar. Në pranga ka rënë i riu i identifikuar me emrin Kristi Lushnjani, ndërsa është shpallur në kërkim bashkëautori i identifikuar si Edvin Çuni.
Nga hetimet e kryera dhe provat e siguruara ka rezultuar se dy të rinjtë janë autorët e dyshuar të 5 vjedhjeve të ndodhura më parë, në qytetin e Vlorës, konkretisht vjedhjes së një automjetit tip “Volkswagen” në pronësi të personit me iniciale M. Dh, vjedhjes së disa sendeve personale dhe një shume parash në automjetin e personit të identifikuar si A. K, veglave pune në automjetin e personit K, Q, sendeve personale dhe një shume parash në ambientet e një lokali në lagjen “Pavarësia” si dhe vjedhjes së disa sendeve personale dhe një shumë parash në automjetin e E. M.
I arrestuari Lushanji, 27 vjeç, banues në Vlorë pritet të vuajë dënimin me 8 muaj burg, për veprën penale “Vjedhja”.
