Ishte larguar nga shtëpia, e moshuara gjendet e pajetë në lumë

Një e moshuar është gjetur e pajetë në ujërat e lumit të fshatit Mborje në Korçë.

Policia sqaroi se viktima sipas dëshmive të familjarëve vuante nga probleme të shëndetit mendor.

Mëngjesin e sotëm, në lumin e fshatit Mborje, është gjetur pa jetë dhe pa shenja dhune shtetasja me inicialet L. Th., rreth 80 vjeçe, banuese në Korçë. Nga deklarimet e marra të familjarëve të saj, rezulton se kjo shtetase vuante nga probleme të shëndetit mendor dhe ishte larguar nga banesa, ditën e djeshme.

Grupi hetimor po punon për përcaktimin e shkaqeve të vdekjes dhe sqarimin e rrethanave të ngjarjes.