Një 55-vjeçar i shpallur në kërkim ndërkombëtar nga Spanja është arrestuar paraditen e sotme në Tiranë. Burime nga policia bëjnë me dije se në pranga ka rënë personi i identifikuar me emrin Nikolin Janina 56 vjeç, banues në Tiranë.
Po ashtu sipas njoftimit nga policia, trafikanti i drogës ishte shpallur në kërkim ndërkombëtar, pasi autoritetet gjyqësore në Spanjë, kanë lëshuar urdhër arresti ndërkombëtar, për veprën penale “Trafikimi i lëndëve narkotike”, parashikuar nga Kodi Penal i Spanjës.
Janina gjithashtu rezulton se është lideri i një grupi kriminal që trafikonte heroine, morfinë e opium në disa vende të BE.
Interpol Tirana, në bashkëpunim me autoritetet ligjzbatuese spanjolle, vijon procedurat për ekstradimin e këtij shtetasi.
Discussion about this post