Një 38-vjeçar shqiptar ka rënë sot në prangat e policisë së Vlorës, pasi prej kohësh ishte shpallur në kërkim ndërkombëtar. Ai është prangosur me qëllim ekstradimi drejt Spanjës, pasi kishte një urdhërarrest kundër tij për trafik drogë dhe pjesëmarrje në organizatë kriminale.
Sipas të dhënave të policisë është bërë i mundur arrestimi i Antonio Ismet Xhaferi, 38 vjeç, banues në fshatin Bishan, Vlorë. Ai ishte shpallur në kërkim ndërkombëtar, pasi autoritetet gjyqësore spanjolle, me vendimin penal të datës 15.01.2021, kanë lëshuar urdhër arrestin ndërkombëtar, për veprat penale “Trafiku i narkotikëve” dhe “Organizate kriminale”, parashikuar nga Kodi Penal i Spanjës.”
Interpol Tirana, në bashkëpunim me autoritetet ligjzbatuese spanjolle, vijon procedurat për ekstradimin e këtij shtetasi drejt Spanjës.
Discussion about this post