Ishte nisur për të vrarë politikanët? Leka u denoncua nga vëllai

Antonio Leka, 35-vjeçari nga Miloti është vënë në pranga këtë pasdite pasi është denoncuar nga vëllai i tij.

Mësohet se i riu është veshur me kamuflazh dhe ka dalë nga banesa i armatosur me blindshpues, por nuk u ka shpëtuar syve të të vëllait, i cili ka sinjalizuar Policinë e Shtetit.

Me bërjen e denoncimit, efektivët kanë arrestuar Lekën në aksin rrugor Milot-Lezhë, pranë ishull Shëngjinit.

Kur është pyetur se çfarë ‘misioni’ do të kryente, i veshur në atë mënyrë, Leka është shprehur se qëllimi i tij, ishte të ekzekutonte politikanët.

“…do vras politikanët e Lezhës, dhe të zhduk farën e keqe të tyre…” – ka pohuar Leka.

Antonio Leka rezulton i dënuar me parë nga gjykata, për “Prodhim dhe shitje të lëndëve narkotike”.