Mjekja psikiatre, Arjana Rreli, ditën e sotme ka folur për jetën e saj private si dhe bashkëjetesën me mjekun, Skënder Brataj, drejtor i Urgjencës Kombëtare.
Rreli ka qenë e ftuar sot në News 24 Rreli, tregon se si u njohën dhe se si lindi dashuria mes dy mjekëve.
“Ai nuk ka fjalë, por vepra. Kur vjen me trëndafil në dorë, ndërsa paradite kam pasur një problem, ai pasdite më thotë u zgjidh. Ka shumë vlera njerëzore.”
Gjithashtu, ajo ka treguar se çifti janë njohur nga një shoqëri e përbashkët.
“Ishte një shkëndijë që nuk mund të them se ishte dashuri e menjëhershme, por një mënyrë të menduari ku përballë ishin dy njerëz që kishin një rezonancë të njëjtë e fatkeqësi në jetë.”
Nga ana tjetër, e pyetur nëse Brataj ka këmbëngulur për këtë marrëdhënie Rreli i përgjigjet se ishte e thjeshtë dhe nuk kishte kohë për të bërë interesanten.
“Jo shumë, nuk ishte nevoja të bëje interesantin, as të humbisje kohë që të njihje një njeri që ishte i lexueshëm. Flasim gjatë si startoi e si të përsoset, se e mira nuk ka fund, jemi në dinamikë”, thotë Rreli, me shumë modesti.”
Së fundmi, Rreli është ndalur edhe tek alternimi i kohës mes klinikës, pasionit të saj për aktivitetin fizik, dashurinë për qytetin e Vlorës, familjarëve si dhe fëmijëve të saj.
Discussion about this post