Një shqiptar është dënuar me burg nga Gjykata gjermane për kultivim kanabisi dhe trafikim të lëndëve narkotike. Gjatë kontrollit në banesën e tij policia sekuestroi rreth 600 bimë kanabis, si dhe u vendosën në pranga tre persona për kultivim të kanabisit dhe trafikimit të lëndëve narkotike. Ndërkaq, arrestimi dhe dënimi i shqiptarit lidhet me operacionin e dhjetorit të vitit të kaluar në Esen të Gjermanisë
Në muajin dhjetor të vitit të kaluar hetuesit gjermanë bashkë me policinë çmontuan një bandë kriminale të trafikut të kokainës dhe mariujanës që drejtohej nga shqiptarët në zonën e qytetit Essen. Gjatë këtij aksioni u kapën edhe 240 mijë euro cash dhe 70 kilogramë marijuanë, mbi një kilogram kokainë dhe mbi 100 gramë amfetaminë. Policia gjeti edhe armë në ndërtesën e organizatës kriminale ndërsa autori kryesor shqiptar ishte një 34-vjeçar dhe dy të dyshuar të tjerë (shqiptar dhe gjermano-maroken) u arrestuan në vend, në bazë të urdhrave të arrestit paraprak të nxjerrë nga prokuroria.
Discussion about this post