Ishte shpallur i zhdukur, gjendet i vdekur 46-vjeçari në Elbasan (Emri)

Një trup i pajetë është gjetur në lumin Shkumbin në afërsi të fshatit Papër në Elbasan. Dyshohet se trupi i përket 46-vjeçarit Blerim Preçi.

Para disa ditësh shtetasi P.P ka njoftuar sallën operative, se vëllai i tij, shtetasi B.P, 46 vjeç, gjatë mbrëmjes së datës 20.06.2023, kishte qenë duke punuar tokën, buzë lumit Shkumbin, dhe nuk ishte kthyer më në banesë.

Familjarët e shtetasit B.P dyshojnë se 46-vjeçarin mund ta ketë marrë aksidentalisht rrjedha e ujit, gjatë kohës që ka tentuar për të kaluar në kahun tjetër të lumit.

Menjëherë pas marrjes së njoftimit, kanë nisur kërkimet në lumin Shkumbin dhe është gjetur trupi i pajetë i 46-vjeçarit.