Policia e Dibrës ka arrestuar një 45-vjeçar shqiptar i cili ishte shpallur në kërkim nga autoritetet italiane. Sipas Policisë, në pranga është vënë Roland Farruku, banues në Peshkopi.
45-vjeçari është arrestuar në hyrje të Pikës së Kalimit Kufitar Bllatë. Gjatë përpunimit dhe verifikimit të të dhënave në sistem, ky person ka rezultuar si shpallur në kërkim ndërkombëtar nga autoritetet Italiane, pasi Gjykata e Ankonas, e ka dënuar këtë shtetas me 11 vjet, 10 muaj e 25 ditë burg, për veprën penale “Trafik Narkotikësh”, parashikuar nga Kodi Penal Italian.
Në përfundim të veprimeve të para hetimore, specialistët e Sektorit për Hetimin e Krimit në DVP Dibër bënë arrestimin provizor të këtij shtetasi, me qëllim ekstradimin e tij drejt Italisë.
Discussion about this post